Type your summary here.
Friday, July 25, 2025
Sunday, November 1, 2009
လွမ်းနေပြီ (မြင့်မြတ်)
နံနက်အာရုံဦးတွန်သံနှင့်အတူ နေခြည်နုလေးတွေက ဟိုမှ ဒီမှ တိုးဝင်လာခဲ့ကြတယ်။
အော် နံနက်မိုးသောက်ခဲ့ပြန်ပြီပေါ့..ဒီလို ရေတွက် ခဲ့တဲ့ မနက်ခင်းလေးတွေက ငါ့အခန်းထဲမှာ ပြန့်ကျဲလို့။
အာရုံကိုစုစည်းလို့ ပြူတင်းပေါက်ကို တွန်းအဖွင့် လေပြေအေးလေးတွေက အလုအယက်နဲ့တိုးထိုး ကျီဆယ်ကာ
ငါကို နှစ်သိမ့်မှု့တွေ ပေးနေသယောင် နဲ့ ...
ဟိုးအဝေမှာ ရင့်ကျက်လှတဲ့တောင်တန်းတွေက အသူရာနေမင်းကို ခေါင်းပေါ်မှာ ရွက်ကာ လောကသစ်တစ်ခုအတွက် အားအင်တွေက အပြည့်။
ရော့ရဲ ချိနဲ့ နေတဲ့ ငါ့အတွက် အားအင်တွေ ဖြည့်ဆည်းပေးနေသလို။
ဟိုး သစ်ပင်ပေါ်က ငှက်မောင်နှံ ကတောင် ငါ့ကို လှောင်ပြုံးလို့ အသံလေးတွေပေးနေပြီး
သူ့ချစ်သူနဲ့ အတူ လှပတဲ့ အနက်ခင်းမှာ ချစ်ခွန်းတွေ ဖွဲ့သီလို
အရာအားလုံးက ငါကို သနားဂရုဏာ အပြည့်နဲ့ အားပေးနေခဲ့ကြတယ်။
မင်းတို့တတွေအားလုံးကို အားနာပါတယ်ကွာ
ဒါပေမယ့် မင်းကိုလွမ်းတဲ့ စိတ်တွေက ဘာနဲ့မှ အစားထိုးလို့ မရခဲ့ဘူး။
မင်းတွက် ရေးခဲ့တဲ့ ကဗျာလေးတွေကလည်း ဟိုတစ်စ ဒီတစ်စ နဲ့ ကြေမွလို့
မှောင်မိုက်နေတဲ့ ငါ့အခန်းထဲမှာ တိတ်ဆိတ်ခဲ့တဲ့ တီတီတာတာအသံလေးတွေ ကပဲ့တင်ထပ်နေခဲ့တယ်
ချစ်သူရယ် နံရံတွေသာ နားရှိခဲ့မယ်ဆိုရင် မင်းကို ပြန်ပြောကြပါလိမ့်မယ်
မင်းကို လွမ်းနေပြီ ဆိုတာ...
မင်းကို ချစ်ခဲ့ ဒီစိတ်လေးနဲ့ ရှင်သန်နေဆဲနေ့ရက်တွေ
ဘယ်ခါ ပျက်စီးမသွားပါ ငါမင်းအတွက်ရှိနေမှာ
မင်းသာငါရဲ့ လိုအပ်ဆုံးပါ ကျန်တာတွေလည်း ဂရုမစိုက်ဘူးကွာ
မင်းလေးတစ်ယောက်တည်းချစ်တာ နေ့ရက်တိုင်းပါပဲ
မင်းကိုပဲ ကမ္ဘာကြီးဆုံးတိုင်လက်တွဲမယ် အချစ်လေးရယ်
မင်းယုံလိုက် ငါချစ်သမျှတွေ ပုံပေးမယ် ချစ်လေးရယ်
ချစ်သူရယ် ဒီနှင်းလေးတွေ မကုန်ဆုံးခင် ပြန်ခဲ့ပါ လွမ်းနေပြီ
ဝေးနေရတဲ့ ချိန်တွေတိုင်းမှာ ရင်မှာကြေကွဲ တမ်းတမိနေတာ
မင်းလေးပြန်ခဲ့အချစ်ရာ တ့ိုခရီးဆက်ရမှာပဲ
ကိုယ့်ရဲ့ မင်းရဲ့ ကဗျာတွေလည်း လေ ငါမြင်ရောင်တိုင်းလွမ်းလို့ ရူးနေတယ်
မင်းလေး ငါ့နားရှိစဉ် ကမ္ဘာကြီးလည်း ပြည့်စုံတယ်။
ဆောင်းခိုငှက်
Tuesday, October 27, 2009
မိုး
အပြင်မှာ မိုးတွေ တသဲသဲမဲမဲ ရွာနေတယ်
ပူလောင်လှတဲ့ငါရင်ခွင်ကို အေးချမ်းအောင်တော့ မင်းမတတ်နိုင်ခဲ့ပါဘူး
ဒါပေမယ့် ငါမသိခဲ့တဲ့ဒဏ်ရာတွေကို တော့ မင်း က တူးဆွနိုင်ခဲ့တယ်
ရင်ခွင်တစ်ခုလုံးပွင့်ထွက်အောင်တော့မင်း မလုပ်နိုင်ခဲ့ပါဘူး။
ဒါပေမယ့် ရင်တွင် မြစ်ရေကိုတော့ လျှံကျစေခဲ့တယ်
ကျဆင်းလာတဲ့မျက်ရည်တွေကို မကုန်ခန်းအောင် မင်းမလုပ်နိုင်ခဲ့ပါဘူး
ဒါပေမယ့် ငါရဲ့အာရုံတွေကိုတော့ တိုက်စားသွားခဲ့တယ်။
ပီပြင်လွန်းလှတဲ့မင်းရဲ့ ပုံရိပ်တွေကိုတော့ မင်းမချေဖျက်နိုင်ခဲ့ပါဘူး
ဒါပေမယ့် တစ်လောကလုံးကိုတော့ မင်းအနိုင်ယူနေခဲ့တယ်။
မင်းအနိုင်ယူနိုင်ပါတယ်
မင်းစိတ်ရိုင်းတွေဝင်နေတုန်းတော့
မင်းအားရှိသလောက် လုပ်ပေါ့
မင်းမယာတွေနဲ့ချော့တစ်ခါ ခြောက်တစ်လှည့်ပေါ့
မင်းမေားသွားရင်တော့
ငါ့ရင်ခွင်မှာ အိပ်လှည့်ပေါ့
ဆောင်းခိုငှက်
Monday, October 19, 2009
ဒီဇင်ဘာ အလွမ်း
ဆီးနှင်းမျာ တဖွဲဖွဲကျနေတဲ ဒီဇင်ဘာရဲ့ မနက်ခင်း။
အေးချမ်လှတဲ့ ပတ်ဝန်းကျင်တစ်ခုလုံး ဖြူဆွတ်လို့ကောင်မလေးရေ
ဘယ်ရောက်နေပြီးလည်းကွာ မင်းရဲ့တိတိတာတာ အသံလေးတွေ
ဒီနေရာဒီဒေသကိုရောက်တိုင်းမင်းကို မေ့လို့မရဘူး ကောင်မလေးရေ၊
ငါခုလျှောက်နေတဲ့ မြေနီလမ်းလေးပေါ်မှာလည်းတစ်ခါတုန်က
ကောင်မလေးနဲ့ အတူတူလျှောက်ဖူးခဲတာပဲ မင်းဟာ ငါ့ရဲ့လက်ကို တွဲ၊
အခစ်ခစ် ရယ်သံလေးနဲ့ ခုန်ပေါက် ပြေးလွှားပြီး ငါကို ဆွဲလို့။
ဒီဇင်ဘာ နှင်းတွေ ကျတဖွဲဖွဲ ကျနေတဲ့ ဒီလမ်းပေါ်မှာလည်း
တို့တတွေ လျှောက်ဖူးခဲ့တယ်နော် ကောင်မလေး။
မိုးတွေရွာတဲ့နေ့တွေမှာလည်း လျှောက်ဖူးခဲ့ကြတယ်နော်။
ဒါတွေဟာအားလုံးဟာအိမ်မက်တွေလား။
လွမ်းတယ်ကောင်မလေးရယ်
မင်းအရိပ် မင်းဝိညဉ်တွေ ရှိတဲ့ဒီနေရာလေးကို ကိုယ်မလာချင်ပေမယ့်
ကိုယ်အမြဲရောက်ရှိနေခဲ့တယ်ကောင်မလေးရယ်။
မင်းအသံလေးတွေကို ခုထိကြားနေရတုန်းပဲ။
တကယ်ဆိုရင် ကောင်မလေးက လောကကြီးကို ကိုယ့်ထက်
အများကြီးနောက်ကျပြီးမှရောက်ရှိလာတာပါ၊
ဘာလို့ ကိုယ့်ထက်အစောကြီးပြန်သွား ရတာလဲကောင်မလေးရယ်။
ပြန်တွေ့နိုင်မယ့် ကံတရားကို မချင့်မရဲ့နဲ့
လွမ်းတယ် လို့ တိုးတိုးလေး ရွတ်နေမိတယ်။
ကောင်မလေးရယ် ကိုယ့်နှလုံးသားထဲက လွမ်မောမှုတွေကို
မင်းရဲ့ချစ်စဖွယ် အနမ်းလေးတွေနဲ့ဖြေဖြောက်ပေးပါဦး
မင်း. ချန်ရစ်ခဲ့တဲ့ ဒီဇင်ဘာည တွေက အေးစက်စွာနဲ ကုန်ဆုံးခဲ့ပြီကွာ....
ဆောင်းခိုငှက်
Monday, October 12, 2009
ပထမအကြိမ်မြောက် စုပေါင်း မဟာဘုံကထိန်ပွဲ အောင်မြင်စွာနှင့် ပြီးစီးခြင်း
ကျွန်တော်တို့၏ ကျေးဇူးတော်ရှင် ညောင်ကန်အေး ဆရာတော်ဘုရားကြီး ဦးစီးတည်ထောင်တော်မူသော ညောင်ကန်အေး သာသနာ့ရိပ်သာ (စင်္ကာပူ) တွင် စုပေါင်း မဟာဘုံကထိန်ပွဲတော်ကြီး (ပထမ)အကြိမ်အဖြစ် Nyaung Kan Aye Dharma Society က ဦးစီးကျင်းပ၍ ပုရိမဝါကပ်တော်မူကြကုန်သော သံဃာတော်အရှင်မြတ်တို့အား မြန်မာ့ရိုးရာ အစဉ်အလာနှင့်အညီ ကထိန်သင်္ကန်း အစရှိသော လှူဖွယ်ပစ္စည်းတို့ကို ဆက်ကပ်လှူဒါန်း ရေစက်ချ အခမ်းအနား အောင်မြင်စွာနှင့် ပြီးစီးခဲ့ပါသည်။
ရခဲလှစွာသော လူဘဝတွင် ကြုံခဲလှစွာသော သာသနာတော်ကြီးနှင့် တွေ့ကြုံခိုက် တစ်နှစ်မှ တစ်လ၊ တစ်လမှာ တစ်ရက်၊ တစ်ရက်မှာ တစ်ကျောင်း၊ တစ်ကျောင်းမှာ တစ်ကြိမ်သာ လှူဒါန်းရသော ကုသိုလ်ထူး၊ ကုသိုလ်မြတ် ကထိန်သင်္ကန်း ကပ်လှူပွဲကို အလှူရှင်အပေါင်း၏ ထက်သန်တဲ့သဒ္ဒါတရား ကြောင့် များပြားလိုက်တဲ့ ပရိတ်သတ်တွေ ထင်ထားတာထက်တောင် များပြားခဲ့တဲ့အတွက် ပင်ပန်းပေမယ့် ဝမ်းသာပိတိဖြစ်မိပါတယ်။ နောင်နှစ်တွေမှာလည်း ဒီထက် ပိုတိုးလို့ လှူဒါန်းနိုင်အောင် ဆုတောင်းမိပါတယ်။ ဒါန အလှူကြောင့်ဖြစ်ပေါ်လာတဲ့ ပီတိကတော့ ဘာနဲ့မှ လဲလို့မရအောင် တန်ဖိုးကြီးလှပါတယ်။
ကျွန်တော် နှင့် ကျွန်တော့် မဒီတို့ကတော့ မြန်မာ့အစားအစာတွေ သိပ်အများကြီး မလုပ်နိုင် (လူအင်အားလည်းမလောက်) တဲ့ အတွက် အားလုံးအတွက် လည်း အဆင်ပြေမယ့် သောက်ရေသန့် ပုလင်း နဲ့ အချိုရည်ပဲ လှူဖြစ်တယ်။ ရေဆိုတာကတော့ လူ၊ သတ္တဝါ၊ သက်ရှိ အားလုံးအတွက် မရှိမဖြစ်ပေါ့ဗျာ။ ရေလှူရတဲ့ အကျိုးအားဖြစ် ရေအကျိုး ၁၀ ပါးကတော့ မတောင်းပဲနှင့် ပြည့်တယ်လို့ ကြားဖူးပါတယ်။ တကယ်တော့ အကျိုးကို မျှော်ကိုလို့ လှူတာတော့မဟုတ်ပါဘူး။ လှူရင် သူအလိုလိုပြည့်တယ်လို့ ကြားဖူးတာပဲရှိတာပါ။
လှူလို့ ရရှိလာတဲ့အကျိုးဆိုရင်တော့ ခံစားနိုင်ပါတယ် ။ အကျိုးကို လို၍ လှူမယ်ဆိုရင်တော့မလှူသင့်ပါဘူး။ အဲဒါကြောင့် အလှူဒါန ပြုလုပ်တဲ့ နေရာမှာ လှူတတ်ဖို့အရေးကြီးပါတယ်။ ကဲ့ မတောင်းပဲ ပြည့်တဲ့ရေအကျိုးဆယ်ပါးကတော့
ရေအကျိုး၁၀ပါးကတော့
၁၊ အသက်ရှည်ခြင်း
၂၊ အဆင်းလှခြင်း
၃၊ ချမ်းသာကြီးခြင်း
၄၊ ခွန်အားဗလ ကြီးမားခြင်း
၅၊ ဉာဏ်ပညာ ကြီးမားခြင်း
၆၊ သန့်ရှင်းစင်ကြယ်ခြင်း
၇၊ ရောဂါဘယ ကင်းဝေးခြင်
၈၊ အခြွေအရံများခြင်း
၉၊ ရေရှားပါးမှုဒဏ်မှ ကင်းဝေးခြင်း
၁၀၊ လျင်မြန်ဖျတ်လတ်ခြင်း
လင်္လာအဖြစ်မှတ်ချင်ရင်တော့
သက်ရှည်၊ဆင်းလှ၊ ချမ်းသာရ၊ ဗလ၊ဉာဏ်ပညာ။
ကြည်လင် သန့်ရှင်း၊ ရောဂါင်း၊ ခပင်း ခြွေရံဖြာ။
ရေမငတ်ငြား၊ လျင်စွာသွား၊ ဆယ်ပါး ရေကျိုးသာ။
အဖေအမေအဖိုးအဖွား တို့အား အမှူး ထား၍ ကထိန်သင်္ကန်း ဆပ်ကပ်လှူဒါန်းခြင်း
Sunday, October 4, 2009
ဝါလကင်းလွတ် သီတင်းကျွတ်
ဝါလကင်းလွတ် သီတင်းကျွတ်ဟု
မြန်ပြည်သူများ သိနှင့်သာ၍
ထိန်ဝါမီးပုံး ရောင်စုံစုံနှင့်
ထွန်းညှီပူဇော် မြတ်ဗုဒ္ဓကို
ဝါတွင်းသုံးလ မယ်တော်နတ်သား
သန ္တုဿီတ အမှူးထား၍
အဘိဓမ္မာတရား ဟောကြားအမှူ့
မြတ်ကျေးဇူးကို ပူဇော်သကာယ
နတ်ဗြဟ္မာအပေါင်းတို့
ခြံရံကြွမြန်း ရတနာစောင်းတန်းနှင့်
လူ့ပြည်နန်းသို့ ဤနေ့ရက်တွင်
ကြိုဆို ဖူးမျှော် သာဓု ခေါ်စေသော်
မြန်ပြည်သူများ သိနှင့်သာ၍
ထိန်ဝါမီးပုံး ရောင်စုံစုံနှင့်
ထွန်းညှီပူဇော် မြတ်ဗုဒ္ဓကို
ဝါတွင်းသုံးလ မယ်တော်နတ်သား
သန ္တုဿီတ အမှူးထား၍
အဘိဓမ္မာတရား ဟောကြားအမှူ့
မြတ်ကျေးဇူးကို ပူဇော်သကာယ
နတ်ဗြဟ္မာအပေါင်းတို့
ခြံရံကြွမြန်း ရတနာစောင်းတန်းနှင့်
လူ့ပြည်နန်းသို့ ဤနေ့ရက်တွင်
ကြိုဆို ဖူးမျှော် သာဓု ခေါ်စေသော်
မင်းမြတ်ဘုန်း
Saturday, October 3, 2009
သီတင်းကျွတ်လပြည့် (အဘိဓမ္မာ အခါတော်နေ့)
ယနေ့ သီတင်းကျွတ်လပြည့်နေ့ ညောင်ကန်အေး သာသနာ့ရိပ်သာ (စင်ကာပူ) ၌ ညောင်ကန်အေး
ဆရာတော် မဟာဓမ္မကထိကဗဟုဇနဟိတဓရ၊ အဂ္ဂမဟာကမ္မဋ္ဌာနာစရိယ ဘဒ္ဒန္တဣန္ဒက သီတင်းကျွတ်
အထူးတရားပွဲကို နာကြားခဲ့ကြရပါသည်။ ယနေ့ သီတင်းကျွတ်လပြည့် နှင့်ပတ်သက်ပြီး ဆရာတော်ရဲ့
တရားအကျဉ်းချုပ်ကတော့ ဗုဒ္ဓမြတ်စွာ ဘုရားက ဝါတော် ၇ ဝါ အရောက်မှာ မယ်တော်ဖြစ်ခဲ့ဘူးသော
သန ္တုဿီတ နတ်သားကို အမှူး ပြု၍ နတ်ဗြဟ္မာအပေါင်းကို ဝါတွင်း ၃ လ တိုင်တိုင် အဘိဓမ္မာတရား
ဟောကြား၍ မိဘကျေးဇူးဆပ်ကြောင်းကို ဟောကြားခဲ့ပါတယ်။ ပြီးတော့ ရှင်သာရိပုတ္တာ ရဟန ္တာမြတ်
ကလည်း မိဘကျေးဇူးကို မည်သို့ ဆပ်ခဲ့ပုံတို့ကို ဟောကြား တော်မူခဲ့ပါသည်။
ကျွန်တော်တို့တတွေ မိဘကျေးဇူးဘယ်လောက်ကြီးကြောင်းကို သိပြီး ဘယ်လိုကျေးဇူးဆပ်ရမယ်
ဆိုတာ သိဖို့လို ပါတယ်။ ကျွန်တော်တို့ လိုပုထုဇဉ် လူသားတွေအဖို့ မိဘကျေးဇူးကို မဆပ်နိုင်တောင်မှ
မစော်ကား မိဖို့ တော်တော် သတိထားရပါမယ်။ ကာယကံအနေ နဲ့ရော ဝစီကံ အနေနဲ့ရော
မစော်ကားမိအောင် ပေါ့။ ကျွန်တော်တို့ အများကြီးကံကောင်းကြပါတယ် မြန်မာပြည်လို
ဗုဒ္ဓတရားထွန်းကားတဲ့ တိုင်းပြည်မှာ မွေးဖွားခဲ့ကြတဲ့အတွက် ကျွန်တော် တို့တတွေ
လိမ္မာယဉ်ကျေးလာအောင် သွန်သင် ဆုံးမမည့် ဗုဒ္ဓတရားတော်တွေကို ငယ်စဉ်ကတည်းက
လူကြီးမိဘတွေ ရဲ့ သွန်သင်ဆုံးမ မူ့တွေကို ကြားနာခဲ့ရပါတယ်။
အဲ့ဒီအတွက် ကျွန်တော်တို့ တိုင်းပြည်မှ လူငယ်လူရွယ် များဟာဆိုရင်ဖြင့် အနည်း နှင့် အများတော့
လူကြီးမိဘတွေကို ရိုသေရမှန်း လုပ်ကျွေး ပြုစုရမှန်း သိနားလည်ကြတယ်။
စော်ကားဖို့ စိတ်မဖြစ်တော့ဘူး။ ဒါကောင်းတဲ့ အချက်တစ်ခုပဲ။
ခုကျွန်တော် ရောက်နေတဲ့ တိုင်းပြည်သေးသေးလေးမှာ ကတော့ဖြင့် မိဘကျေးဇူးဆို တာ
သိပ်မသိကြဘူးလို့ထင်တယ် ။ ကျေးဇူးသိဖို့နေနေသာသာ ကိုယ့်မိဘတွေ အသက်ကြီးလာပြီး
မလုပ်နိုင်မကိုင်ကြရင်တောင်ဘယ်လို ပြုစုရမယ်ဆိုတာတောင် သိပ်မသိကြတော့ဘူး။
များသောအားဖြင့်ပေါ့ အကုန်လုံးတော့မဟုတ်ပါဘူး။
တစ်ခါက ကျွန်တော် ကိစ္စတစ်ခုနှင့် ဆေးရုံတစ်ခုကို ခဏရောက်သွားခဲ့တယ် အဲဒီမှာ
ကျွန်တော်လည်း တုံကင် အလှည့် ကို ထိုင်စောင့်နေတုန်း ဆေးရုံထဲကို အသက် ၇ဝ လောက်
အဖိုးအိုတစ်ယောက်က အဖွားအို တစ်ယောက်ကို လက်တွန်းလှည်းလေးပေါ်မှာ တွန်းရင်း
ဝင်လာခဲ့တယ်။ အဖွားအို က ဆေးပိုက်တန်းလန်းနဲ့လှည်းပေါ်မှာ။ ကျွန်တော်တောင်တွေးမိတယ်
ဒီအဖိုးက ဒီအဖွားကို တော်တော်ချစ်ရှာတာပဲ။ ကိုယ်တိုင် မိန်းမကို ဆေးရုံလာပို့တယ်
ဘယ်သားသမီးမှ မခေါ်ပဲ နဲ့ လို့။ အဖိုးအိုကတော့ တက်ကြွရွှင်လန်းစွာနဲ့ပဲ လိုအပ်တဲ့ စာရွက်စာတမ်း
တွေနဲ့ လိုက်လုပ်နေရှာတယ်။ ဒီလိုနဲ့ အဖွားအိုရဲ့ ဆေးစစ်တဲ့ ကိစ္စတွေပြီးလို့ ပိုက်ဆံ ရှင်းတဲ့
အချိန်လောက်ရောက်မှ အသက် ၃၅နှစ် လောက် အမျိုးသမီးတစ်ယောက်ရောက်လာတယ်
ပျာပျာ ပျာပျာ နှင့် မျက်နှာကလည်း ကြည့်ကြည့်သာသာ မရှိဘူး။ ရောက်တာနှင့် အဖိုးအို အား
သူကို ဘာလို့ ခေါ်သလဲဆိုတဲ့အကြောင်း။ သူအလုပ်တွေ အရမ်းများနေတယ် ဆိုတဲ့အကြောင်း။
သူ လိုအပ်တဲ့ ငွေကြေးတွေပေးပြီးပြီဆိုတဲ့ အကြောင်း ဆူဆူပူပူ နှင့် ပြောတော့တာပဲ။ အဖိုးအိုလည်း
ပထမ ဘာမှ ပြန်မပြောသေးပါဘူး လူတွေ အများကြီး ဆိုတော့ ။ အဲဒီအမျိုးသမီးကလည်း ပွစိပွစိနှင့်ကို
ဆက်ပြော နေတော့တာပဲ အဖေတို့ က ကိုယ့် ကိစ္စကိုယ်မရှင်းဘူး တစ်ခါလာလည်း သူကိုပဲခေါ်တယ်
ဆိုတဲ့ အကြောင်းပေါ့၊ နောက်ကြာတော့ အဖိုးအိုလည်း ဆက်လက် သည်းညည်း မခံနိုင်တဲ့အဆုံး
သူ့မ အမေ သေမလို ရှင်မလို ဖြစ်နေလို့ ခေါ်လိုက်ရကြောင်း။ငွေကြေး နဲနဲလိုအပ်လို့ ခေါ်လိုက်ရကြောင်း
တစ်ယောက်တစ်ခွန်းစကားတွေများကြပြီး သူ့သမီးဖြစ်သူကို နောက်ဘယ်တော့မှ ငါတို့နဲ လာမတွေ့နဲ့
ငါ့မိန်းမ ကို ငါဆေးကုမယ် ဆိုပြီး မောင်းထုတ်လိုက်တယ် ဘေးနားမှာ ရှိတဲ့ လူတွေလည်း အဖိုးကြီးနှင့်
အဖွားကြီးကို ဂရုဏာသက်စွာနဲ့ ကြည့်နေကြတယ်။ ကျွန်တော်လည်း တွေးမိလိုက်တယ်
ဒီမိန်းမ မိဘကျေးဇူးဆိုတာ နည်နည်းလေးမှ နားမလည်ဘူး။ အိုကြီးအိုမတွေကို ဘယ်လို စောင့်ရှောက်
ရမယ်ဆိုတာနားမလည်ဘူး။ မိဘတွေဆိုတာက သူတို့အသက်အရွယ်ကြီးလို့ မသွားမလာနိုင်တော့ရင်
သူတို့အားကိုးတဲ့သားသမိးတွေကို သူတို့အနားမှာရှိစေချင်ကြတယ် ပြုစုယုယ တာခံချင်ကြတယ်။
ငါ့သားက ငါတို့ကို ဘယ်လို ဂရုစိုက်တာ ငါတို့သမီးက ငါတို့ကို ဘယ်လိုပြုစုတာဆိုပြီး ဂုဏ်ယူချင်ကြတယ်။
ကျွန်တော်လည်းသူတို့ကို ကြည့်ပြီး အဝေးမှာ ရှိနေကြတဲ့ ဖေဖေနဲ့မေမေကို သွားသတိရလိုက်မိတယ်။
ဖေဖေနဲ့မေမေ တို့နေထိုင်မကောင်းဖြစ်ကြတဲ့အခါ ဘယ်သူက ဆေးရုံဆေးခန်းလိုက်ပို့ပေးမလဲ
ဘယ်လိုပြုစုမလဲလို တွေးကြည့်ပြီးစိတ်မကောင်းဖြစ်မိတယ်။ ရင်နင့်အောင်လည်းခံစားမိပါတယ်။
ဖေဖေနဲ့ မေမေ တို့ကို အမြန်ဆုံးကိုယ်ထိလက်ရောက်ပြုစုနိုင်ပါစေလို့ ဆုတောင်းလိုက်ပါတယ်။
ခုလို သီတင်းကျွတ်လပြည့်နေ့မှာ မာတာပိတုဂုဏောအနနေ ္တာဆိုတဲ့အတိုင်း အဝေးမှာ ရှိနေကြသော
ဖေဖေ မေမေ နှင့် ကြီးကြီးတို့ကို သား မင်းမြတ်ဘုန်း ဤနေရာမှ ရိုသေစွာ ရှိခိုးကန်တော့လိုက်ရပါသည်။
ဖေဖေ မေမေ ကြီးကြီးတို့ ကျန်းမာ ချမ်းသာစွာနှင့် တရားဘာဝနာ တွေကို ကျင့်ကြံပွားများနိုင်ပါစေလို့
ဆုတောင်းလိုက်ပါသည်။
မင်းမြတ်ဘုန်း
Friday, October 2, 2009
ချစ်သူအတွက်
မှောင်မိုက်တဲ့ ညနက်တွေမှာ
အော်ဟစ်နေတဲ့ ညည့်ငှက်တွေ
စိတ္တဇအိမ်မက်တွေ ကနေ
ရုန်းထွက် ခဲ့ပါတော့ ချစ်သူ...
အာရုံဦးရဲ့ ကြည်လင်လှတဲ့
နေခြည်နုလေးတွေကို ဖမ်းဆုတ်ဖို့ဆိုတာ
အားအင်တွေ ပြည့်ဝနေမှ ဖြစ်မှာပေါ့
ထကြည့်လှည့်ပါ ချစ်သူ.....
လှပ စုံညီတဲ့ ဒီလောကကြီးကို
ဆန်းကျယ်စွာ အရာင်ခြယ်ဖို့ဆိုရင်
ပြည့်စုံရင့်ကျက်တဲ့ စိတ်တော့ရှိမှပေါ့
ဖန်ဆင်းလှည့်ပါ ချစ်သူ....
ရုပ်ဝါဒတွေရဲ့ ပိုင်ဆိုင်လိုမူတွေကို
ပေးဆပ်မူတွေနဲ့ အနိုင်ယူလိုတဲ့အခါ
ပြည့်ဝတဲ့စေတနာလေးတော့လိုတာပေါ့
ပြင်ဆင်လှည့်ပါ ချစ်သူ....
အတ္တတွေရဲ့ တိုက်ခိုက်လာမူတွေကို
အနတ္တတွေနဲ့ ဖယ်ထုတ်လိုတဲ့အခါ
ပြီးပြည့်စုံတဲ့ ဒဿနတွေတော့လိုတာ့ပေါ့
နာကြားလှည့်ပါ ချစ်သူ....
မင်းမြတ်ဘုန်း
Tuesday, September 22, 2009
စိတ်
လွင့်မျောနေတဲ့တိမ်တွေကို ခိုစီးလို့
ရင်ခွင်တစ်ခုလုံးကို ဖွင့်ပြီး
လွင့်ထွက်နေတဲ့စိတ်အစဉ်ကို
အသာအယာတွဲထူလို့
မသဲမကွဲနဲ့ လွဲခဲ့တဲ့ အရာတွေကို
စုပုံ ပြီးစွန့်ပစ်ခဲ့တယ်
မသေချာမယ့် သေချာတာတွေကိုတော့
မစွန့်လွှတ်ချင်တာ အမှန်ပါ
မထင်မှတ်ပေမယ့် အဖြစ်မှန်တွေကတော့
မျက်စိေ့ရှမှာ တန်းစီလို့
ဝေဝါးလာမယ့် စေတနာတွေကို
ဖယ်ကာပိတ်ဆ့ို ခဲ့တယ်
မင်းမြတ်ဘုန်း
Friday, September 18, 2009
နိဗၺာန္ ျပည္ၾကီး မေဝးေတာ့ျပီ။
ေဟာင္း...တဲ႔ အတိတ္
ညစ္မဲရိပ္ကို ဖယ္ကာ အခု
အားထုတ္ျပဳေလာ
ေနာင္... အနာဂတ္
စိတ္ခ်ဖုိ႔အေရး ခုတိုင္မေနွး
အားထုတ္ျပဳေလာ
ပစၥဳပၸန္ ယခု လက္ဝယ္ခုကို
ေသခ်ာသတိ စိတ္ဝယ္သိ၍
ခႏၶာအမဲ အယူစြဲကို
ပယ္ကာ ဂရု
သီလ ျပဳကာ
ေဆာက္တည္ျဖည့္က်င့္
သမာဓိမွ သည္
နိဗၺာန္ ျပည္ၾကီး မေဝးေတာ့ျပီ။
မင္းျမတ္ဘုန္း
Subscribe to:
Posts (Atom)
